الرئيسيةبحـثالتسجيلدخولالتسجيلتسجيل دخول الأعضاء
ماشاء الله تبارك الله ماشاء الله لاقوة الا بالله - اللهم اني اسالك الهدى والتقى والعفاف والغنى

شاطر | 
 

 يحسبون الصمت مثل اول علامة للرضا

اذهب الى الأسفل 
كاتب الموضوعرسالة
رفاعي
Admin
avatar

المشاركات : 308
تاريخ التسجيل : 29/09/2010

مُساهمةموضوع: يحسبون الصمت مثل اول علامة للرضا   الأربعاء أكتوبر 20, 2010 6:30 am

بسم الله الرحمن الرحيم
لاعرف من اين ابدا وكيف ابدأ لكن اود ان اوجز روايتي بكلمات قليلة روايتي تصرخ بنبض مجتمعنا
الخليجي عامة والسعودي خاصة تحكي قصص اناس قابلت بعضهم وودت ان اقبل البعض الاخر الا ان الفرصة
لن تسمح لي ولكن تركت لمخيلتي العنان كي تعيش مواقفهم لحظة بلحظة واسطرها لكم روايتي لن تكن خيالية
بقدر ماستكون صرخة سكنت في قلوب اشخاصا عجزوا عن التصريح خوفا من او على مجتمعهم

سابدا في روايتي وكلي امل ان اتمكن من ايصال صرخاتهم لمسامعكم وان اجد نقدا بناء واقترحات وحلوووول وتفاعلكم واكيد تشجيعكم




ღஇஇღஇيحسبوون الصمت مثل اول علامة للرضا يعلم الله ماسكت لها الزمن الا قهــررر இღஇஇღஇ


النفــــــــــس الاول

ريما: استغفر الله العظيـــــــــــم ماهيب حالة ذي
ديمة: خير انسة ريما وش اللي مو عاجبك فحياتنا؟؟؟
ريما بنرفزة: ليــــــــه فيها شي عاجبني اصلا هذي غير العلة اللي ابتجينا
ديمة: ريما احمدي ربك ع النعمة اللي انتي فيها غيرك مو لاقي شي ياكله
ريما: اوووف ياربي هالموال حفظته انا ذحين اش دخلني فيهم عمرهم مالقيوا اللي ياكلونه
ديمة عصبت: حرام عليك تراك محاسبه على كل كلمه تقولنها
ريما مشيت وهي معصبه حدها مي حالة هذي

دخلت الغرفة حصلت سلام فيها دخلت ففراشها وتغطت
سلام جلست عندها وشالت اللحاف عن وجهها: ريوم بعدي وش فيك ؟؟؟
ريما: يعني بالله وش مضايقني ابغى احس اني زي البنات مو قادرة
سلام: ريوم لاتجلسين تعيدين هالكلام ياما عدنا وزدنا فية بس مين يسمعنا
ريما: انا اللي قاهرني انهم ماهم مهتمين
سلام: لاتنسين الغايب عذره معه
ريما: طيب وش حدهم ع الغياب؟؟؟ انا والله مابغى شي بس ابغى احد يحس فيني
سلام: ريما ترى مو بس انتي لوحدك كلنا نفس حالتك بس صابرين
ريما ودمعه نزلت على خدها: سلام لاتقارنين بيني وبينكم وانتي عارفة بالفرق اللي بيني وبينكم اهلك متى اخر مرة كلموك.... سكتت فترة وكملت ........ "بغصة"قبل اسبوع واهلي "هنا ماقدرت تحبس دموعها زيادة وبكت" لهم شهرين ونص ماكلموني....
اربع وسبعين يووووم
سلام قربت منها وحضنتها: حبيبتي ريما هم ماسافروا وتغربوا الا عشان مصلحتك واكيد يوم ماكلموك عندهم ظروفهم
ريما: قامت بصراخ:: ظــــــــــــروف .... ظروف...؟؟؟؟؟ وش ذي الظروف اللي تحرمهم من بنتهم... مادمهم مو قد المسولية ليه يجبونا ويرمونا ........؟؟؟؟
سلام سكتت لان ريما معاها حق:: خلاص حبيبتي ريوم والله مافية احد ...يستاهل تنزل دموعك عشانة
ريما تغطت وهي تبكي
ســــــــــــــــــــــــــــلام
حزنتي ريمــــــا اتوقع اكثر وحدة متحسسه من الجلسة هنا هي وبصراحة مالومها اهلها ....مادري عندهم قلوب والا ماعندهم؟؟؟؟؟ بس اذا عندهم ........اكيد راح تكون حجــــــــــر يمكن امي وابوي يتصلون بين فترة وفترة بس هي
قليل مايتصلون تغطت ريما وهي تحاول تخفي شهقاتها اللي بين فترة وفترة تطلع ...انا جلست فالغرفة اسوي فالدولاب ....هذي المرة الخمسين بعد الالف اسوية وينكسر.... عاد من كثر الملابس اللي فيها كلها بجامتين مهلوكة من الغسيل اذكر وحدة من عند عزوز ولد خالتي خخخخ... كان بيرميها بس اخذتها من عندة وهو مايدري خخخخخ

بعد شويه دخلو غلا وهديل
غلا بدفاشة :: مراااااااااااحب ابو السوس يالله حيو
سلام بدفاشة بعد: اهلــــــــــــــين ابو اللول
غلا وتأشر براسه للدولاب: هاه ركبته؟؟؟؟
سلام بثقة: اعجبك
غلا: قدها وقدود ابو السوس
هديل: اقول ابو السوس
سلام : امــــــــــــــري يابعدي
هديل: طيب لاتطالعني كذا استحي
غلا: اقول تراك مرة مصدقة نفسك انك بنت
سلام: واحلـــــــــــــى البنات والله
هديل ارتبكت :انا بروح
سلام بضحكة: وين هدووول؟؟
هديل وهي تسرع بمشيتها: بروح لجدتي يمكن تبغى شي
سلام: هههههههههههههه والله ذي البنت انها رهيبة

طلعت هديل للصالة عند جدتها
هديل: هاي تيته
ام خالد: وعليكم السلام وينك اليوم مافطرتي معنا؟؟
هديل: يمة والله مالي نفس اكل وبعدين انا مسوية رجيم
ام خالد: وش اللي حادك يابنيتي عليه
هديل تبي تسكت جدتها: الا ماقلتيلي يمة اخذتي دواك
ام خالد تمددت فمكانها:اية اعطتني اياه ديمة الله لايخليني منها حنونة على ابوها
هديل:يمة مدامه حنون لية يسيبك كذا حتى التلفون مايكلمك؟؟
ام خالد تنهدت: الحريم كفانا الله شرهن ... والا مين يصدق خالد الحنين يكب امة ويروح يركض ورا الحريم
هديل تنهدت: دنيا يايمة تغير اللي مايتغير الله يكفينا شرها...
مشاعل تغني:دنيا كفى الله شرها تخلي كل قاسي يلين...تخلي كل قاسي يلين
ســــــــــــاعات ... ساعات
هديل التفت لها: اللهم سكنهم مساكنهم
مشاعل: خخخخخخخخ لاتدعين علي ذحين اطير لامريكا
ام خالد:انتي متى بتغيرين ضحكتك ذي كنك بالعة ذبانة
هديل تسدحت من الضحك::: ههههههههههههه وربي تحطيم ههههه والله يايمة انك ارهب وحدة خخخ
ام خالد: وانتي بعد انعديتي
مشاعل: من عاشر قوم
ام خالد : انا بنام اللحين ولاجات صلاة الظهر قومني
هديل: اما طردة محترمة ههههههه
مشاعل: هههه الا وين البنات؟؟؟ مالهم حس
هديل:سلام وغلا فالغرفة وشفت وحدة نايمة اظنها ريما
مشاعل: خلينا نروحلهم نتونس بخبالهم
هديل: ههههه والله انهن مسويات جو فالبيت
وراحن الغرفة
فالمطبـــــــــــخ
حنين: انتي مجنونة؟؟؟
سديم: لا ماني مجنونة بالعكس فكامل قواي العقلية
حنين: بصراحة ....ماتوقع ابدا تكونين عاقلة .... والا في وحدة عاقلة تفكر باللي تفكرين فيه
سديم: انتي فكري بعقلك مو بقلبك وبتشوفين ان هذا من صالحنا وصالحها هي كمان
حنين: سديم لا تجننيني وش اللي من صالحها؟؟ من صالحها تعيش عند ناس ماتعرفهم ؟؟؟
سديم: كيف ماتعرفهم انا اعرفها هالحرمة تبغى الاجر وبعدين
حنين قاطعتها: ياسديم ياقلبي انا دارية انك تبين مصلحتها وصدقيني مصلحتها ماراح تكون الا هنا
سديم: بس انا مابغاها تعيش اللي عشناه

حنين: صدقيني راح تكون حياتها العن من كذا بكثير
سديم: وهو فية اللعن من كذا؟؟؟
حنين : استغفري ربك وتعالي نروح للبنات
وراحو للبنات وقبل مايوصلون الغرفة
سديم: حنين ...." حنين لفت على سديم" لاتجيبين طاري للسالفة عند البنات
حنين: خلاص بس شيلي الفكرة من راسك

دخلوا فالغرفة اللي كان فيها هديل و غلا وسلام وريما ومشاعل
حنيــــــــــــــــن
بصــــراحه ماعمري خفت من شي قد ماخفت من تفكير سديم صايرة غريبة بشكل ...تفكيرها مادري كيف صاير
خفت عليها من تفكيرها ...صاير المستحيل عندها يسهل والغلط صح... طبعا اذا السالفة فيها فلوس ..صار كلام ريما
يأثر على البنات ... زمان كانو مقتنعين بحياتنا بس على قولتهم كثر الدق يفك اللحام...
لدرجة اننا مرة كنا معزومين عند جيرانا فكرت تســــــرق ....من بعدها شلت همها ...لدرجة اني مستحيل اخليها
تسرح الا قطعت سرحانها ... وقد ماقدر مابعد عنها... ولا اخليها لوحدها...

ســـلام: اللي ماخذ عقلك حنون
غلا: خخخخخ اكيد انا
حنين: ههههههههههاي اصلا اذا بفكر فيك اكيد افكر اني اذبحك ههههههاي
مشاعل: خخخخخخخخخخخ راحت فيها خخخخ
غلا بقهر من مشاعل: شعول والله لاكلملك امي تسمع ضحكتك
هديل: هههههه فاتتكم اليوم امي
سديم: لية وش صـــــــــــأر؟؟؟؟؟
مشــــــــــاعل تغني:: اللــــــــــــــي صــــــــار ماصدقت نتلاقى.. انـــــــا منني مصدقنــــي
والبنات قلبوها طــــرب وجالسات يدقن فالدولاب وهدول ترقص وسديم وحنين يرددن وراها
مشاعل ببحتها: ماصدقت نتلاقى انا ماني مصدقني... حابس فرحتي فيني خوفي عيوني تخدعني
سلام كملت:احنا مع بعض معقــــــــول الموقف حصل لاتقول لو هذا حلم.. لو هذا حلم...
لا سمــــــح الله من يفوقني
مشـــــاعل ماسكه المشط وتغني::ماصدفت نتلاقى انا ماني مصدقني حابس فرحتي فين خوفي عيوني تخدعني
خوفي عييوني تخدعني
عـــــــــــــــــاشوا .. عاشوا ...... أيــــــــــوه
البنات كلهم غنو مع بعـــــــــــض
دخلــــــــــــــــت عليهم ديمــــة
ديمــة تصارخ: بنــــــــــات ..... بنات اسمعونـــي

ولا احد يمها سحبت يدهاهديلعشان ترقص معها ...سحبت يدها بنرفزة
ورجعت تصارخ: جدتي تقول من شالت الراديو حقها
اخيرا حنت عليها هديل وهي تهز كتوفها يعني ملدري
ديمة: وانتي تدرين عن شي؟؟؟


صرخـــــــت ::بناااات
واخيـــــرا سكتت ميشو :امري انسة ديمـة؟؟
ديمــة: الله لايشكرلك فضل وين الراديو؟؟؟ جدتي قالبة الدنيا علية
مشاعل : امس اخر شي شفته مع سلام
سلام تكمل الاغنية تبي تصرف: واللي صاااااار ماصدقت نتلاقى انا ماني مصدقنـي
ديمة: ســـلوم بلا تصريف اعترف وين الراديو؟؟؟
سلام بصوتها الخشن: شوفية هناك عند الدولاب
راحت ديمة تجيبة :يعني ماتعرفين ترجعينة لجدتي "واول مامسكتته..طاح الجزء اللي تحت"
حسبي الله عليك ذحين جدتي يابتقتلني والا تقتلني ...وش مسويبــه؟؟
سلام: ولا شي بس اخذت واحد من المسامير حقته لدولاب عشان اثبتة فية بس
ديمة: بس؟؟ وعاد مالقيت الا هالراديو؟؟
ريما: الله اللي يسمعك يقول ابد.. دي في دي..
سديم:حركات ريوم وش الكلمة عيده تكفييين؟؟؟
ريمـا: دي في دي شفتي اني خطيرررة
هديل: ايو الله خلينا نكشخبها عند شوق
غلا: خخخخخ بس انتبهي احفظي الكلمة زين عشان ماتوهقين خخخ
هديل: ريوم تكفيـــــن اكتبيها لي بورقة
سلام: قسم انكو مهابيل ذحين وش السوات في راديو جدتي؟؟
غلا: وبعد وارثته جدتي عن جدتها
حنين: وفي رواية سمعت انه كان بالاساس كان عنتر جايبه لعبله هدية خخخ
ريما: وتوارثته الاجيال هههههاي
مشاعل: سلوم قوم روح جيب غدا لنا
سلام: الله من الغدا اللي يسمعك يقول مفطح
مشاعل: مفطح والا تبن اهم شي شي يسكت جدتي
ديمة وهي تحوس فالراديو:سلوم خذ صلح هذا قبل مواتورط فيه انا مع جدتي
سلام: بس رصية على بعض وحطية جنبها .. وركضضضض على هنا
ديمة: لا والله واذا قالتلي شغليه؟؟؟ وش اسوي؟؟
مشاعل: عندي فكــــرة
غلا: اسدحيها يالله
مشاعل: نسوي نفسنا راديو
البنات تسدحو من الضحك
سلام : خخخخخخ اه يابطني هههههه وكيف ان شاء الله؟؟
غلا: خخخخ بسيطة ندخل فيه هههههه
البنات ماهن راضيت يسكتن من الضحك
مشاعل : بلا عبط اقصد اذا قالت حطو اذاعة القران حنين تقرا ...واذا قالت اخبار سلوم يقرأ وش رايكم بافكاري
البنـات مع بعــض : فديت موخيخك الفتـــاكـ
ريما: اقول قسم بالله اني عمري ماشفت اسخف منكو
سلام: لا اجل انسه ريما تبغيننا نتوهق مع جدتي عاد بعدين جدتي وش بيسكتها عنا
ريما: وابتجلسون انشاالله طول عمركو كذا؟؟
غلا: خخ لا بس لين مانشوف حل
ديمة : اقول ترى اخرتونا
مشاعل: يلا طيب
وراحن البنات لجدتهن واشتغل الاستهبال
ديمة: هذا ياجدة الراديو حقك اليوم الصبح طفشنا وشغلناه
ام خالد: ياوليــدي ماسمعـك
سلوم بصراخ: هذا الراديو حقك ياجده
ام خالد: ايه ياوليدي حطيلي الاخبار ماسمعتها اليوم
توجهت انظار البنات لسلوم
سلوم: خيــــــر؟؟
حنين: وشهو اللي خير؟؟ اطربينـا يالله
سلوم: عاد مالقيتو الا انا انا اسماء الحكام ماعرفها تبوني اقول اخبار
سديم: عاد من اللي بتسمع ذحين
مشاعل: قل أي اسم لو من عيال الحارة
سلوم: طيب امري لله بس والله اكثر من عشر دقايق ماني متكلم

ديمة: يلا خلصنا ياشيخ
سلوم: طيب احمم احمم
يقولك .. قبض يوم امس على سلطان ابوشوشة عيال الحارة المجاورة متلبس في ملايس اخته
وقامو بضربة ضربا اوجعه وافاد مصدر موثوق بان سلطان كان عند بقالة السعادة
اثناء الجريمة

ام خالد: ديمة ياوليدي غيري عن ذا القناة الماصلة ماغير مصايب ياكافي
شغليلي ام حديجان
ديمة: خخخخخ من وين اجيب لك ام حديجان من زمن جدي؟؟؟
ام خالد: لا انا امس متسمعه عليهامع ابوخالد العصرية
ديمة: خخخ حالتها مستعصية.. يالله بس يالتوام
سديم ::والله مالقيتو الا حنا
غلا: اقول عن الهذرة ترى كلنا ابنقرا
ريما: وبعدين احمدي ربك لا بعدين تقولك تبغى مصارعة خخخ
حنين: عاد جدتي عليها طناات خخ
سديم: طيب يالله
يابو حديجان
حنين: هلا والله بالغلا كله هلا بقلبي
ديمه: اقول لاتعصب جدتي وتخم الراديو فرلس وحدة فينا
حنين: وش اسوي عاد وحدة تكلم مع زوجها انا وش ذنبي
غلا: يالله مشي حالك كانها ابتسمعك؟؟؟
سديم تكمل: ايه اضحك علي بهالحكي المعسول
حنين: افا يام حديجان انا اضحك عليك
ريما: اقول سيبو السخافة هذي عنكم وخلونا ندخل
ديمة: لا خليهم يكملون وحنا ندخل
سلام: ايه انا راح دوري خلاص


دخلو الغرفة ريما وديما وسلام
سلام: اقول مطولين ع هذا الحال؟؟
ديمة: لحد ميتصلح الراديو
ريما: يعني لازم كلنا نتحمل غلط غيرنا
البنات انصدمو
ديما طالعت ريما بنظرة سكتتها
سلام مايحتاج اقول عن حالها كانت بترد رد تسكت فيها ريما بس فضلت انها تسكت
ريما: ديمة لاتحسسيني اني غلطانة انا ماغلطت واذا كل وحدة بتغلط والكل يتعاقب بنروح فيها كذا
ديمة: اولا اذا انتي ماحسيتي انك غلطانة فمستحيل تحسين بنظرة مني بس انتي عارفة ومتاكدة انك غلطانة
كانت ريما بتتكلم بس سكتتها ديما: وثانيا هذي مو عقوبة هذي تضحية اذا تعرفينها انسة ريما

ريما: انا بعرف اننتو لية كل شي تكبرونة كذا؟؟ وبعدين مو شرط نضحي ... اذا الواحد بيضحي يضحي بمزاجة...مو غصب
ديمةتكتفت:ا احنا ماكبرنا شي
ريما:كل هذا وماكبرتو شي وتضحية وتضحية اللي يسمعك يقول السالفة فيها اعدام ترى كله راديو
ديمة: ههه اذا هذي السالفة مستصعبتها نشوفك فالاعدام طيب وش بتسوين ...وبعدين على ماعتقد اجنا ماجبرنا احد يجي معنا... وكنت عارفة انه مو كرم اخلاق منك يوم جيتي
جيتي بس عشان ماتطلعين شاذة بيننا

ريما: وين كرم الاخلاق الللي تتكلمين عنه يعني لازم اتعاقب عشان يكون كريمة اخلاق؟؟؟ ناس غريبة "وهزت براسها بمعنى تخلف"

ديمة: والله مادري مين الغريب حاولنا بشتى الطرق ندخلك معنا ... قوليلي مرة وحدة بس تضايقتي وماجينا نواسيك
مع ان همومك كلها ماتجي نص همومنا قولي لي مرة شاركتي وحدة منا همها واذا صار وشاركتيها ماراح يكون
الا عشان ماتطلعي شاذة بيننا
ريما:شـــــــــــــاذة؟؟؟ ذحين انا كذا ياديمة؟؟ ماتوقعتها منك انتي بالذات ياديمة
ديمة:خير ان شاء الله وش متوقعة تطلعين ملاك عندنا ... ريما مو سهل الانسان يحصل على قلوب الناس ...
ريما احنا حاولنا تدخلين معنا فكل شي بس للاسف كل مرة ننصدم فيك اكثر.. ياتتعذرين ان عندك هموم.. وان متاكدة ان 99% من الهموم اللي عندك هي العيشة اللي عايشينها اذا مو 100%
ريما: هه ليه وعيشتنا ماتستاهل انننا نجلس مهمومين 24 ساعة
ديمة: هذا انتي ماراح تتغيرين طول عمرك تفكيرك كذا وبعدين عشان هالموقف اللي انا متاكدة انه بنظرك سخيف سويتي هالسالفة كلها
ههههه والا لا يكون هو القشــــة اللي قسمت ظهر الجـــمل


دورت بعيونها لسلام فكل الغرفة بس الظاهر انها طلعت هذي عادتها ماتحب تشوفنا نتهاوش

طلعت من الغرفة وتوجهت للحوش زي ماكنت متوقعة جالسة على طوبه كانت بالحوش وماسكة عصاية بيدها وترسم بها التراب وباين انها رااايحة بعيييييييييد بالتفكير جلست مقابلها بهدوء
سلام بدفاشتي المعهودة: اهلـــــــــــين ديوم
ديمة: هلا فيك والله اللي ماخذ عقلك؟؟
سلام: هههه ابد والله اتامل الطبيعة
ديمة: امحق طبيعة خخخخ
سلام: ههههه الجود من الموجود
غلا جات بتعب: آآآآآآآآآآه
سلام: خلصت البطاريات خخخخ؟؟؟؟؟
مشاعل: خخخخ لا مات اللي صنع الراديو
سلام: ههههههه قولي والله؟؟
حنين ومعها دلة القهوة: هههه والله
ديمة: امحق صناعة اذا بتخرب الاختراااع
غلا: مادري عن سدوم وعبقريتها
سلام: خخخ اسكتي بس ماصدقنا يشتغل عقلها
غلا: كويس طلع فية امل خخخ
حنين: عاد حدكو ؟؟
هديل: يووووة نسينا محامي الدفاع
غلا: الا صح وينها
هديل: شفتها دخلت الغرفة
حنين تذكر ت:يوووووه نسيت الحلا ابجيبه

دخلـــــــت البيت ورحت للغرفة وناديت سديم وريما للقهوة وخذت الحلا للبنات
سلام: امممم لذيذ
حنين: احم احم هذا انا وسدوم سوينها الظهر
هديل: تسلم يدك لذيــــــــذ
غلا:لذيذ خخخخخخ احس اني فدعاية زيت خخخ
هديل: والله احسن من اللي بس تاكل كذا
غلا: ياختي انا ماحب المجاملات اللي مالها داعي
ديمة: لا وين مالها داااعي
سلام بضحكة: المجاملات تحسن سلوك الطفل خخخ
حنين: طفل فعينك يالبايخة الحق مووب عليك الحق على اللي يعبرك ويسويلك حلا
هديل: امحــــــــــق تعبيــــــــــــــــــــر هههه

سديم: اقول بنات ايش رايكم كل وحدة تكلم ابوها وتجيب مية من عندة ونشتري تلفزيون بدل الطفش هذا؟؟؟
سلام: انا عني لو ينقص لساني ماطلبته مستحيل اخليه يحس اني محتاجته
ديمة: وانا كمان
سديم مدت بوزها: والله اجل ابوان على الفاضي؟؟؟
حنين: هذا انتي قلتيها ع الفاضي
هديل: انا ابغى افهم مين اللي مخلينا نجلس هنا ذحين عميراجي وعطية يقولون جدتي تبغى احد يجلس عندها
وجدتي تقول ابوانكن خايفيين عليكن من بلاد الكفار
حنين: ياعمي وش بيتغير فالموضوع ابنجلس هنا واهلينا ماراح يحسون فينا حتى لو متنا
سديم: يوووووة منكو يعني قلبتو مجلس الشورى؟؟
غلا: عاد جلست مع ريما خمس دقايق
ديمة: هههه وا نا اقول اثاري السالفة فيها ريما
سديم: انا بعرف ليش تكرهونها والله ريما طيبة بس حساسة
سلام: اما حساسة كثري منها
ديمة: اقول يلا ندخل لاتصيبنا ضربت شمس
هديل: ايوا الله
سلام: ياختي خلينا ناخذ لــــــــــون
حنين: ههههههه من البياض
غلا رزت نفسها: احم احم انا ماحتاج اسم الله عليني
سديم: غصب ماهي جدتك صعيدية
غلا "مسوية انها متفشلة" : هههه ضروري تفشليني
سديم: ههه ماحد قالك انتي جبتيها لنفسك
سلام: تحطيـــــــــــم خخخ
ديمة: اقول لا يكثر احس راسي شوي وينفجر
قامو البنات
سديم: حنين ابغاك شوي
حنين: طيب خلينا ندخل
سديم: خلاص شوية ماراح نطول
جلست حنين: ايوة
سديم: فكرتي بالموضوع؟؟
حنين: انتي صاحية على بالي شلتي الموضوع من راسك؟؟؟
سديم: مستحيل اشيله
حنين: ياحمــــــــارة هذي بنت عمك
سديم: طيب انا عشانها بنت عمي ابغى مصلحتها
حنين وهي تمسك راسها بقهر: ردت وقالت مصلحتها .......انتي هبلة ؟؟ ...مجنونة ؟؟ كيف ابتخلينها كذا تروح تعيش عند ناس غرب؟؟؟ وين كرامتك؟؟ والا الكرامة تنسينها اذا جات الفلوس؟؟؟
سديم بصراخ: ايش دخل الكرامة ذحين؟؟ وبعدين حنا من متى نعرف الكرامة؟؟.........
حنين تتكلم من بين اسنانها وهي شوي وتنفجر: كرامتنا انولدت معانا وابتندفن معانا ....... وبعدين حنا هنا مشاء الله كم ؟؟؟؟
ثمنية بنات....... يعني بتفرق اذا جات ضي معنا
سديم: ايه ابتفرق وابتفرق واجد بعد بنصير تسعة ........ بتصير فيه بنت يبغالها تربية وناس تهتم فيها...يبغالها فلوس تصرف عليها.... يبغالها احد ينتبه لها ....
احنا كل وحدة مشغولة بدراستها... وجدتي ماعادت مثل اول ...فهميني مين بيجلس عندها اذا بديت الدراسة؟؟؟
انــــــــــــــــــــــــا
التفتوا البنات للصوت اللي جاهم
5343 35
الرجوع الى أعلى الصفحة اذهب الى الأسفل
 
يحسبون الصمت مثل اول علامة للرضا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات احساس البحرين :: مـنـتـديـات مـنـوعـة :: .~. منتـــدئٍ القصــٍصٍ .~.-
انتقل الى: