رواية : جبرني احبه.. للكاتبه دمعتي غاليه

بسم الله الرحمن الرحيم


اعضاء المنتدى الكرام اخباركم عساكم بخير


والله انا هذا اول موضوع لي بالقسم هذا واتمنى انها تنال اعجابكم


هي روايه من تأليفي كتبتها بخط يدي لكي اضعها بين ايديكم واتمنى ان تنال اعجابكم
واليوم انا منزله البارت الاولى واذا شفت ردودكم وانكم اتحمستوا معي راح انزل البارت الثاني



روايتي الاولى بعنوان
((جبرني بحبه))
الكاتبه :دمعتي غاليه
الجزء الاولى
الصبح الساعه 8 الصبح الحصه الاولى يوم السبت
طبعآ عارفين السبت شلون يكون كل وحده مو طايقه نفسها
روان:ها بنات ايش علينا الحين
ساره :اتوقع رياضيات
شيخه : اف غثه وربي اكره ماده
روان :لا حرام عليك وربي مدرستنا حليله ومسهلتها حيل
شيخه:هههها كثري منها اقول انتي دافوره تشوفين كل شي سهل
وريم وهي توها تدخل من باب الفصل :بسم الله عليها منهي وجع قولي ماشاء الله
شيخه :ها وصلت المدافع الشخصي لروان من يوم مادخلت اعرفة اني احش فيها ههههههههههه
ريم :وي بعد قلبي رورو ماحد يقول لها اي شي وانا موجوده
بعدين الكل جلس فمكانه لما جت المدرسه
((طبعا تبغون تعرفون من بطلت روايتي هي روان
روان بنت نعومه حيل عمرها 18 سنه تدرس بالثانوي اخر سنه لها
هي طويله ونحيفه شعرها طويل يوصل لاخر ظهرها ولون بشرتها مايل شوي للابيض بس معطيها شكل غير عن باقي البنات عيونها سود واوساع هي اخر بنت بين اخوانها وبعدها ولد صديقتها المقربه لها حيل هي ريم هي بنوته قصيره وبيضى عيونها عسليه ومملوحه وشعرها يوصل لين كتوفها وناعم تقدرون تقولون هي وروان صديقات من اول ابتدائي وعلى فكره هم بنات عم))
اخر الدوام روان وريم عند البوابه
روان :اف كل يوم بنظل على هالحاله نتنقع بالشمس نستنى اخ بس
ريم:عاد وش تسوين لاتنسين مو بس حنا طالعين الحين على بين مايمر لولو وماجده
روان :اقول ريووم
ريم :قولي
روان:شرايك تتغدين عندنا اليوم
ريم :والله مدري افكر
روان:امشي زين تقول اني عطيتك وجه بالله عليك
ريم :هههههههه ولا كبريت انتي
روان:خلاص لاتجين مالت عليك
ريم :اجي غصبن عنك وامشي معك بعد وجع اساسآ انا من زمان مفكره اتغدى عندكم
روان: واو وناسه ياني عندي لك سوالف بقولها
ريم:تكفين لا تقولين انها عن يوسف
روان :هوز فيه غيره ماخذ عقلي
ريم :تتهنين يابعد عمري
روان : امين
ريم : اقول يالله يالله هذا السيد شرف
واركبوا البنات لما اوصلو البيت كانت بستقبالهم ام محمد الي هي ((ام روان
ام محمد : هلا والله شفيكم يامك تأخرتوا
روان: والله يمه السواق تأخر علينا
ام محمد : هلا والله بالريم انا اقول وش هالنور الي دخل علينا
ريم : الله يسلمك ياخالتي النور نورك
ام محمد يالله يابنات روحوا بدلوا عشان تتغدون
نبذه عن عائلة روان
((ام محمد وابو محمد لهم خمس عيال واربع بنات
الكبير محمد ضابط وعملاه33 سنه متزوج من اخت الريم سلطانه عن حب وعند ولد وبنت توم رغد وعبدالله طبعآ على اسم ابوه
الثاني خالد موظف بشركة ارامكوا عمره31 متزوج من فوزيه وطبعا ماتقرب الهم تزوج بالصيف يعني عريس جديد
الثالث بسام عمره 28 سنه صيدلي بمستشفى الملك فهد واعزب
الرابع عبد الرحمن عمره 19 سنه سنه اولى علوم طبيه ويبي يتخصص علاج طبيعي
الخامس وهو اصغر البنات والعيال عمره 16 سنه عمر
البنات
سلمى الكبيره بعد بسام وعمرها 26 متزوجه من ولد عمها متعب مدرسه انجليزي مرحله المتوسطه
سحر 24 سنه تخصص اقتصاد مخطوبه لولد خالتها حسام
رويدا 22 سنه سنه ثانيه انجليزي
واخر البنات روان 18 سنه ))
وباقي الشخصيات راح نتعرف عليهم بالقصه بس حابه اقول لكم ان عمام روان من غير ابوها اثنين سالم وسعد ولها عمه وحده ساكنه بالشرقيه وعيالهم نتعرف عليهم بالقصه

..............................................
بعد ماتغدت ريم ببيت عمامها طلعت هي وروان لغرفتها
وجلسن سوالف لحد مااذان العصر وبعدها نامن وراحن بسابع نومه
.................................................. .........
ام محمد وابو محمد جالسين بالصاله مع ولدهم محمد الي ساكن معهم بنفس البيت بس له جناح خاص فوق
ابو محمد:ها ياأم محمد ماشفتي بسام اليوم..؟؟؟
ام محمد: لا والله ياحسرتي على وليدي هو ويا هالدوام مانشوفه تقول انه دكتور ابد مايجلس بالبيت وان طلع من الدوام راح لخوياه وهذ ي سالفته
محمد :لا عاد يمه مو تحطون عليه الحين هو رحال وعارف مصلحة نفسها انتم الحين اهتموا بعبد الرحمن وعمر وخليكم منه
ام محمد :والله لايضل قلبي عليكم حتى لو اشوف عيالكم كبركم
محمد :وهو يقوم يحب راسها الله يخليك لنا ويجعلك ذخر انتي وابوي
ابو محمد وام محمد :الله يسلمك
محمد :ها عاد توصوني شي بروح اريح لي شوي
ابو محمد ::الله معك بس اسمع ترى الليله عمك سعد عندها عشاء ولازم انت واخوانك تحضرون
محمد : ابشر يبه
..........................................
محمد طلع لجناحه فوق ولقى سلطانه جالسه وعيالها عند عمتهم سحر مايرتاحون الا عندها
محمد:ها كالعاده العيال ماهم عندك وينهم
سلطانه :ابد وانت عارفهم مايطيقون الجلسه عندي مايصدقون متى سحر تطلع من الدوام عشان ينامون عندها((عيالها عمرهم اربع سنوات))
محمد:آهأ وانا على بالي مصرفتهم عشان نجلس لحالنا ويناظر الها نظرة خبث
سلطانه ::(تحاول تصرف السالفه
محمد والله شكلك تعبان روح ريح والا شرايك اسوي لك كاسة شاي تروق فيها
محمد وهو يناظر الها من فوق لتحت وهي كانت لابسه بجامه برمودا لونه عنابي وبدي خيط عنابي عليه ورد رمادي وطالعه كيوت خصوصآ انها بيضى والعنابي خيال عليهاوشعرها قصته فراوله
محمد:المشكله اني الحين بروق بس مو بكاسة الشاي
سلطانه وهي تناظر له بتحدي بتشوف وش راح يسوي
محمد تقدم الها وشالها بسرعه وقال::كاسة شاي هاه اوريك انا
وهم يدخلون داخل وـــــــــــــــــــــــــــــــــــــــــــــــــ ــ
عند روان وريم
نايمات ومرتاحات بالنومه على اخر شي
وتدخل عليهم رويدا فجاءه ولا حياة لمن تنادي مندمجات بالنومه وترةح رويدا تطفي المكيف وتطلع وتعرفون عاد الرياض بالحر بدون مكيف موت موت وهذي حركة نذاله من رويدا
المهم بعد ساعه كذا صحن البنات وكل وحده منهم تدعي على الي طفاه
روان:يعلك يارويدوه بالعمى انا عارفه ان هذي حركتها الزفته اوريك بس
ريم وهي بعيونها النوم :اوووووووووه وربي تحطيم الحلم الي كنت مع براد بيت راح علي وانا ماصدقة احلم
روان وتعطيها نظره:باله عليك هذا الي هامك اقول قومي قومي خلينا نصلي المغرب ونشوف لنا حلى ناكله يالله
ور\يم وهي تنط من السرير كأنها نست شي:تصدقين نسيت عزيمة عمي سعد الليله يوووووه
روان وهي مالها خلق :بالله عليك عاد حنا الي بنحظرها
روان وهي تذكر ((اخ بس لو اطمع اني بقابل يوسف لما اروح والله لتلقيني مرتزه من العصر
ريم وهي تمسك جوالها ::سته مس كول ثنين من اخوها علي واربعه من امها
ياربي الحين يفظحوني ويقولون تتهربين من العزيمه ماتبين تحظرين
روان :اقول اجلسي عندي خلينا نستانس واذا رجعوا يمرونك
ريم:اها ياحبيبتي ماتعرفينهم زين اذا ماغصبوك انتي بعد على الروحه هذي لها يومين يزنون على راسي فيها
روان :الله لايقوله اقول قومي قومي
ريم جت تقوم الا جوالها يدق
ريم:هلا
علي:اهلين صح النوم ياست ريم وينك
ريم:انا استأذنت من امي اني بروح بيت عمي
علي:ماشاء الله وبيت عمك سعد يتروحين لهم
ريم وهي خايفه :ايه اكيد
علي :وبالله متى بتجين امرك
ريم:ايه تعال لي
وروان تخبطها بالمخده
علي اخو ريم الكبير
وكمان يوسف اخو ريم
وه يالبنت الوحيده بين اربع شباب
((علي عمره 33 كبر محمد مدرس جغرافيا وتاريخ_يوسف29هذي سنته الاخيره طب عيون
سعد 24
سعود 22))وطبعا ام ريم تاخذ فتره بين كل عيالهابعدسنتين جابت الريم 18 سنه


لا تحرموني ردودكم